स्वास्थ्य बीमा कार्यक्रमअन्तर्गत बीमितलाई सेवा प्रदान गरेका देशभरका स्वास्थ्य संस्थालाई २०८३ जेठ महिनामा १ अर्ब ४५ करोड ४६ लाख ९१ हजार २२ रुपैयाँ ८६ पैसा भुक्तानी गरिएको छ।
स्वास्थ्य बीमा बोर्डले सार्वजनिक गरेको विवरणअनुसार जेठ महिनामा स्वास्थ्य बीमा कार्यक्रमअन्तर्गत सेवा प्रदान गरेका विभिन्न स्वास्थ्य संस्थाले पेश गरेको दाबीको प्रक्रिया पूरा गरी उक्त रकम भुक्तानी गरिएको हो। बीमितलाई उपचार तथा स्वास्थ्य सेवा उपलब्ध गराएबापत स्वास्थ्य संस्थाले पेश गरेका दाबीको परीक्षण तथा आवश्यक प्रक्रिया पूरा भएपछि सेवा रकम उपलब्ध गराइएको बोर्डले जनाएको छ।
जेठ महिनाको भुक्तानी विवरणमा देशभरका ३८१ वटा स्वास्थ्य संस्था समावेश छन्। भुक्तानी पाउने संस्थामा अस्पताल, प्राथमिक स्वास्थ्य केन्द्र, आधारभूत अस्पताललगायत स्वास्थ्य बीमा कार्यक्रमसँग आबद्ध विभिन्न स्वास्थ्य संस्था रहेका छन्।
स्वास्थ्य बीमा कार्यक्रमअन्तर्गत बीमितले सेवा लिएपछि सम्बन्धित स्वास्थ्य संस्थाले उपचारमा भएको खर्चको दाबी स्वास्थ्य बीमा बोर्डमा पेश गर्ने व्यवस्था छ। प्राप्त दाबीको आवश्यक परीक्षण तथा प्रक्रिया पूरा गरेपछि बोर्डले सम्बन्धित स्वास्थ्य संस्थालाई सेवा प्रदान गरेबापतको रकम भुक्तानी गर्दै आएको छ।
बोर्डका अनुसार स्वास्थ्य बीमा कार्यक्रममार्फत बीमितलाई उपचारमा सहज पहुँच उपलब्ध गराउनेसँगै आबद्ध स्वास्थ्य संस्थालाई प्रदान गरिएको सेवाको रकम नियमित रूपमा भुक्तानी गर्ने व्यवस्था रहेको छ। जेठ महिनामा गरिएको भुक्तानीले स्वास्थ्य बीमा कार्यक्रममा आबद्ध स्वास्थ्य संस्थामार्फत ठूलो संख्यामा बीमितले स्वास्थ्य सेवा लिएको र त्यसबापतको दाबी प्रक्रिया अघि बढेको देखिन्छ।
देशभरका ३८१ स्वास्थ्य संस्थालाई गरिएको यो भुक्तानीमा विभिन्न तहका स्वास्थ्य संस्थाको सहभागिता रहेको छ। अस्पतालदेखि प्राथमिक स्वास्थ्य केन्द्र र आधारभूत अस्पतालसम्मलाई समेटेर भुक्तानी गरिएको बोर्डको विवरणमा उल्लेख छ।
प्रतिक्रिया