भारतीय स्थलसेनाका प्रमुख (सेनाध्यक्ष) जनरल धीरज सेठ नेपाली सेनाको मानद जनरल पदबाट सम्मानित हुनुभएको छ। काठमाडौंस्थित शीतलनिवासमा आयोजित एक विशेष समारोहका बीच नेपालका राष्ट्रपति रामचन्द्र पौडेलले उहाँलाई नेपाली सेनाको मानद जनरलको प्रतिष्ठित पद तथा सुशोभन प्रदान गर्नुभएको हो।
नेपाली सेनाका प्रधानसेनापति जनरल अशोक राज सिग्देलको निमन्त्रणामा चार दिने औपचारिक भ्रमणका लागि जनरल सेठ आइतबार नेपाल आउनुभएको थियो। सम्मान समारोहमा उच्च पदस्थ व्यक्तित्वहरूको उपस्थिति शीतलनिवासमा आयोजित उक्त अलङ्करण समारोहमा नेपालका उपराष्ट्रपति रामसहाय प्रसाद यादव, विदेशरपरराष्ट्रमन्त्री शिशिर खनाल, नेपालका लागि भारतीय राजदूत नवीन श्रीवास्तव लगायत नेपाली सेना तथा सरकारका उच्च पदस्थ अधिकारीहरूको उपस्थिति रहेको थियो।
दशकौंदेखिको अनुपम परम्परा भारत र नेपालबीच एक(अर्काका सेना प्रमुखलाई मानद जनरलको उपाधि प्रदान गर्ने यो ऐतिहासिक परम्परा सन् १९५० देखि अनवरत रूपमा चलिआएको छ। दुई देशबीचको प्रगाढ सैन्य सम्बन्ध, आपसी विश्वास र विशिष्ट सैन्य सहकार्यको प्रतीकका रूपमा यो परम्परालाई लिइन्छ। द्विपक्षीय भेटवार्ता र सहयोग आदानप्रदान मानद उपाधि ग्रहण गर्नुअघि जनरल सेठले जङ्गी अड्डा (नेपाली सेनाको मुख्यालय) पुगी प्रधानसेनापति जनरल अशोकराज सिग्देलसँग भेटवार्ता गर्नुभएको थियो।
भेटका क्रममा दुई सेनाबीचको आपसी हित, द्विपक्षीय सैन्य सम्बन्धलाई अझ सुदृढ गर्ने उपायहरू तथा विभिन्न सहकार्यका क्षेत्रबारे विस्तृत छलफल भएको थियो। साथै, सोही अवसरमा भारतीय सेनाको तर्फबाट नेपाली सेनालाई केही सैन्य तथा चिकित्सा सामग्रीहरू समेत हस्तान्तरण गरिएको छ।
प्रतिक्रिया