शैक्षिक परामर्श व्यवसायीहरुको सबैभन्दा ठूलो छाता संगठन नेपाल शैक्षिक परामर्श संघ (इक्यान) को आगामी कार्यकालको लागि यही असार ३० गते हुन लागेको निर्वाचनमा व्यवसायीहरुले धमाधम उम्मेद्वारी घोषणा गरेका छन् ।
प्यानल नै घोषणा नगरेपनि अध्यक्षको प्रतिपश्र्धामा बिष्णुहरी पाण्डे, शेषराज भट्टराई, देवीदास भट्टराई र कृष्णहरी केसीले अनौपचारीक रुपमा उम्मेदवारी घोषणा गरिसकेका छन् ।
उपाध्यक्षमा भुवन क्षेत्री, लक्ष्मण पौडेल ‘एन्ड्रयु’, श्रीराम पौडेल, गिता शर्मा, पुष्पराज भट्टराई, विमलमान राजभण्डारीलगायतले उम्मेदवारी घोषणा गरिसकेका छन् । त्यसैगरी महासचिवमा दिपक भुसाल र वासुदेव दाहालले उम्मेद्वारी घोषणा गरेको छन् । भुसाल र दाहाल बर्तमान कार्यसमितिका महासचिव र सचिव हुन् ।
सचिवमा भवनाथ हुँमागाइ, शिव त्रिपाठी, रत्न भट्टराई, एलवी गोले तामाङले उम्मेद्वारी घोषणा गरेका छन् । अहिलेसम्म कोषाध्यक्षमा विनोदबावु सुवेदी र आशिक कार्कीले उम्मेद्वारी घोषणा गरेका छन् ।
यस्तै सदस्य पदका लागि पनि व्यवसायीहरुले आकांक्षा राख्दै सामाजिक सञ्जालमार्फत नै उम्मेदवारी घोषणा गरिरहेका छन् ।
अहिलेसम्म कुनै पनि अध्यक्षका उम्मेदवारले प्यानल नै घोषणा गरिसकेका छैनन् । यद्यपी अन्तरिक प्यानल भने निर्माण भइसकेको व्यवसायीहरु बताउँछन् ।
प्रतिक्रिया