नेपाल शैक्षिक परामर्श संघ (इक्यान)को आगामी कार्यसमितिको निर्वाचनमा केन्द्रीय सचिवको उम्मेदवारी दिएका लाल बहादुर तामाङ (एलबी)ले इक्यानको बृहत्तर हित व्यवसायीक दक्षता अभिवृद्धि गर्ने उदेश्यका साथ १४ बुँदे एजेण्डा सार्वजनिक गरेका छन् ।
यही पुस २८ गते सोमबार हुन गइरहेको इक्यानको निर्वाचनमा आफ्नो उम्मेदवारी प्रस्तुत गर्दै सचिव पदको जवाफदेहीता र जिम्मेवारीलाई आत्मसाथ गरेर एजेण्डा सार्वजनिक गरेको तामाङले बताए ।
विगत १६ वर्षदेखि शैक्षिक परामर्श व्यवसाय गर्दैगर्दा इक्यानका धेरै क्रियाकलापमा जोडिने र सिक्ने अवसर मिलेको भन्दै तामाङले आफ्नो एजेण्डाले इक्यानको गरिमालाई अझै उँचो बनाउने धारण व्यक्त गरे ।
‘संस्थाको जिम्मेवारी, दायित्व तथा स्थायित्व, व्यावसायिक प्रबर्द्धन र विद्यार्थी एवं अभिभावकबीच बलियो सम्बन्ध निर्माण गर्न केही त गर्नैपर्छ,’ उनले भने, ‘यीनै कुराहरुलाई सम्बोधन गर्न र कार्यान्वयन पक्षलाई बलियो बनाउन मैले सार्वजनिक गरेका बुँदागत एजेण्डाहरु महत्वपूर्ण छन् ।’
उनले व्यक्तिगत स्वार्थभन्दा माथि उठेर इक्यानको संस्थागत हित र सम्पूर्ण सदस्यहरूको आवाज बनेर कार्य सम्पादन गर्नु अहिलेको आवश्यकता रहेको बताए ।
यस्तो छ तामाङले सार्वजनिक गरेको १४ बुँदे एजेण्डा
१) प्रमुख चरणमा सदस्यहरूलाई सीप, दक्षता र व्यापारको नवीनतम बजार भावनाको विकास गर्ने।
2) सदस्यहरूसँग नियमित रूपमा सम्पर्कमा रहने, त्यसैले आवश्यकता अनुसार समस्या हरुको समाधान गर्न सहयोग गर्ने।
3) NOC को समस्याहरू अझै पनि समाधान हुन सकेको छैन र अनलाइन पूर्ण हुन असफल भएको छ किनकि विद्यार्थी तथा आफन्तहरूले प्रमाणीकरण गर्न आफै उपस्थिति हुन पर्ने हुँदा जुन विद्यार्थीहरूको लागि अझै लामो र समय खपत छ। यसलाई 100% अनलाइन संग कुनै पनि कारण समस्या समाधान गर्ने।
4) नक्कली कागजात प्रमाणीकरण नभएसम्म शिक्षा, विज्ञान तथा प्रविधि मन्त्रालयमा दर्ता र परामर्शको नवीकरणको प्रक्रिया पूर्ण अनलाइन गर्न पहल गर्ने।
5) सम्पूर्ण ECAN को सदस्यलाई जीवनबीमाको प्रक्रियामा आवाद गराउन पहल गर्ने।
6) कम्पनी रजिष्ट्रारको कार्यालयमा कन्सल्टेन्सी, ट्रेनिङ सेन्टर, इन्स्टिच्युट लगायतका धेरै संस्था सजिलै दर्ता भई tourist visa तथा अन्य कार्यमा संग्लन भएकोले यस्ता कार्यको निरुतसाहित गर्ने।
7) ECAN को लागि आफ्नो एउटा घर बनाउन पर्छ भन्ने नारा पहिले पनि थियो र आज पनि छ। उक्क्त कार्य पूरा गर्नको लागि पहल गर्ने।
8) Smart ECAN, Digitalization ECAN, Vulnerable ECAN, Global ECAN, र राष्ट्रिय र अन्तर्राष्ट्रिय क्षेत्रमा ECAN को उपस्थिति चाँडो भन्दा चाँडो कार्यान्वयन गर्ने पहल गर्ने।
9) उद्योगमा सबैभन्दा सच्चा, इमान्दार, विद्वान, प्राज्ञिक पेशाकर्मीलाई ECAN को प्लेटफर्ममा अगाडि ल्याउनुपर्छ र राजनीतिक प्रभावको सट्टा उद्योगको उन्नतिको लागि अभ्यास गर्ने।
10) हाम्रा विदेशी नेपाली विद्वान, सफल व्यापारी, नेपाली वैज्ञानिक, इन्जिनियर, डाक्टरहरूलाई नेपालमा पनि रहनको लागि सम्भावनाहरुकोअध्ययन गरि त्यसको लागि संबंधित निकाय सँग पहल गर्ने।
11) Study in Nepal को नारा लाई कार्यान्वयन गर्न छुट्टै विभाग बनाउन पहल गर्ने।
12) यो समूह व्यक्तिगत व्यवसाय बलियो बनाउन ECAN चुनावको दौडमा छैन, हामी नयाँ गन्तव्य खोज गरी सदस्यलाई बलियो बनाउन समर्पित हुनेछौं।
13)Gen-Z आन्दोलन को भावना अनुसार संस्थाका युवा ब्यबसायीलाई प्रोत्साहान गर्न।
14) सदस्यहरुलाई समय समयमा सम्पूर्ण कामको जानकारी गराउने।
प्रतिक्रिया