ग्रेस इन्टरनेशनल’ले मनायो १९औं वार्षिकोत्सव, उच्च लक्ष्यकासाथ उत्कृष्ट एवं विद्यार्थीमैत्री सेवा दिने प्रतिवद्धता

वैदेशिक शिक्षा अध्ययनका लागि शैक्षिक परामर्श क्षेत्रमा बेग्लै पहिचान बनाएको ‘ग्रेस इन्टरनेशनल’ले आफ्नो स्थापनाको १९औं वार्षिकोत्सव भव्यतापूर्वक मनाएको छ ।

वैदेशिक अध्ययनमा जान चाहने विद्यार्थीहरुलाई भरपर्दो, विश्वसनीय र गुणस्तरीय परामर्श दिंदै आएको ग्रेस इन्टरनेशनलले अटुट मेहेनत र प्रयासबाट १९औं स्थापना दिवस मनाउन सफल भएको जनाएको छ ।

ग्रेस इन्टरनेशनलका सह–संस्थापक एवं निर्देशक लक्ष्मण पौडेल (एन्ड्रु)ले संस्थाको १९ वर्षे यात्रामा साथ दिने र सहकार्य गर्ने सबैप्रति कृतज्ञता व्यक्त गरेका छन् । उनले स्थापना दिवसको अवसरमा यहाँसम्म आइपुग्न अहम् भुमिका खेल्ने विद्यार्थी, अभिभावक, कर्मचारी, कलेज÷विश्वविद्यालय, शुभेच्छुक र सरोकारवाला सबैप्रति आभार व्यक्त गरेका छन् ।

‘नेपालबाट विदेशमा गएर पढ्न चाहने विद्यार्थीहरुको सपना र भविष्य निर्माण गर्ने यात्रामा १९ वर्ष पुरा गर्न पाउनु खुसीको कुरा हो, चुनौती र संघर्षपूर्ण विगतका वर्षहरुलाई गर्वकासाथ स्मरण गर्न चाहान्छौं,’ निर्देशक पौडेलले भने, ‘यस अवधिमा हासिल गरेका अनगिन्ती सम्बन्धहरु र विश्वासका कारण आजको दिनसम्म आइपुग्न सफल भएका छौं ।’

ग्रेस इन्टरनेशनलको सफलता भनेकै विद्यार्थी, अभिभावक एवं शुभेच्छुक, र कलेज तथा विश्वविद्यालयबाट प्राप्त साथ, हौसला र विश्वास भएको पौडेलको भनाई छ । ‘हामीले वैदेशिक शिक्षा अध्ययनमा जाने हजारौं विद्यार्थीको यात्रालाई साथ दिंदै असंख्य सफलताको कथा निर्माण गर्न साँच्चि नै विशेष अवसर सिर्जना गर्दै आएका छौं र भविष्यमा पनि सयौं विद्यार्थीहरूलाई शैक्षिक परामर्शमार्फत उनीहरुको करिअरलाई विश्व्यापी रुपमा जोड्न प्रयत्न गर्नेछौं,’ उनले भने ।

निर्देशक पौडेलले संस्थाप्रति विश्वास र माया गर्ने सबैलाई कृतज्ञता व्यक्त गर्दै आगामी दिनमा नयाँ सोच, अझै बढी उर्जा र उच्च लक्ष्यका साथ उत्कृष्ट एवं विद्यार्थी मैत्री सेवा दिने प्रतिवद्धतासमेत जनाएका छन् ।

ग्रेस इन्टरनेशनलले विशेष गरी अमेरिका, क्यानडा, वेलायत, न्युजिल्याण्ड, अष्ट्रेलियालगायतका देशहरुमा पढ्न जाने विद्यार्थीहरुलाई उचित, भरपर्दो र गुणस्तरीय परामर्श सेवा दिंदै आइरहेको जनाएको छ भने यसको लागि आवश्यक भाषा तथा तयारी कक्षासमेत सञ्चालन गरिरहेको छ ।

सन् २००६ मा स्थापना भएको ग्रेस इन्टरनेशनलले देशका प्रमुख शहरहरुमा रहेका झण्डै ५० वटा शाखा कार्यालय र १० भन्दा बढी मुलुकबाट वैदेशिक अध्ययनमा जान चाहने विद्यार्थीलाई शैक्षिक परामर्श दिंदै आएको छ ।