काठमाडौं । नेपाल राष्ट्र बैंकको डेपुटी गभर्नरमा दीर्घ रावल नियुक्त भएका छन्। बुधबार बसेको मन्त्रिपरिषद् बैठकले रावललाई डेपुटी गभर्नरमा नियुक्त गर्ने निर्णय गरेको हो।
रावल यसअघि नेपाल राष्ट्र बैंकमा कार्यकारी निर्देशक तथा बैंक सुपरिवेक्षण विभागका प्रमुखका रूपमा कार्यरत थिए। बैंकिङ क्षेत्रको सुपरिवेक्षण तथा नियमनमा लामो अनुभव हासिल गरेका रावललाई डेपुटी गभर्नरमा नियुक्त गरिएको हो।
नेपाल राष्ट्र बैंक ऐनअनुसार गभर्नरको सिफारिसमा मन्त्रिपरिषद्ले डेपुटी गभर्नर नियुक्त गर्ने व्यवस्था छ। राष्ट्र बैंकमा दुई जना डेपुटी गभर्नर रहने व्यवस्था भए पनि सरकारले यसअघि एक जनालाई मात्र नियुक्त गरेको थियो।
सरकारले गत चैत २४ गते किरण पण्डितलाई डेपुटी गभर्नरमा नियुक्त गरेको थियो। रावलको नियुक्तिसँगै राष्ट्र बैंकमा रिक्त रहेको अर्को डेपुटी गभर्नर पदसमेत पूर्ति भएको छ।
नेपाल राष्ट्र बैंकमा २०८२ साल फागुन २५ गतेदेखि डेपुटी गभर्नरको पद रिक्त रहँदै आएको थियो। रावलको नियुक्तिले केन्द्रीय बैंकको उच्च व्यवस्थापनमा आवश्यक नेतृत्व थपिएको छ।
प्रतिक्रिया