फिफा विश्वकप २०२६ अन्तर्गत समूह ‘एच’को खेलमा सोमबार राति उपाधि दाबेदार स्पेनलाई नवप्रवेशी केप भेर्डेले गोलरहित बराबरीमा रोक्दै प्रतियोगितामा सुखद सुरुआत गरेको छ ।
मेक्सिकोमा सम्पन्न खेलमा स्पेनले सुरुदेखि नै बलमाथि पूर्ण नियन्त्रण कायम गरे पनि गोल गर्न भने असफल रह्यो । खेलभर ७४ प्रतिशत बल आफ्नो नियन्त्रणमा राखेको स्पेनले २३ प्रहार गर्दा आठ प्रहार लक्ष्यतर्फ गरेका थिए । तर केप भेर्डेका रक्षापंक्ति र गोलरक्षकले उत्कृष्ट प्रदर्शन गर्दै स्पेनलाई गोलविहीन बनाए ।
पहिलो पटक विश्वकप खेलिरहेको केप भेर्डेले रक्षात्मक रणनीति अपनाउँदै महत्वपूर्ण एक अंक बटुल्यो । उसले खेलमा केवल २६ प्रतिशत बल नियन्त्रण राखे पनि स्पेनको आक्रमणलाई सफलतापूर्वक रोक्यो ।
खेलमा स्पेनले १० फाउल गर्दा केप भेर्डेले एक फाउल मात्र गरेको थियो । दुवै टोलीका एक–एक खेलाडीले पहेँलो कार्ड पाए ।
बराबरीसँगै दुवै टोलीले समूह चरणको पहिलो खेलबाट एक-एक अंक जोडेका छन् । स्पेनले अपेक्षाअनुसार नतिजा निकाल्न नसके पनि केप भेर्डेका लागि भने विश्वकप इतिहासकै महत्त्वपूर्ण उपलब्धिमध्ये एक मानिएको छ ।
प्रतिक्रिया