स्वतन्त्र ऊर्जा उत्पादकहरुको संस्था, नेपाल (इप्पान) ले विधान संशोधन गरी सबै पदमा सबै सदस्यलाई उम्मेदवार हुन पाउने व्यवस्था गरेको छ ।
इप्पानले वार्षिक साधारणसभाबाट वरिष्ठ उपाध्यक्ष स्वतः अध्यक्ष हुने विधान २०७८ लाई संशोधन गरी सबै पदमा चुनाव गराउने गरी व्यवस्था गरेको हो ।
यस्तै, अध्यक्षको हकमा एक कार्यकाल कार्यसमितिमा रहिसकेको हुनुपर्ने व्यवस्था गरिएको छ । त्यस्तै विधान संशोधन गरी पाँच उपाध्यक्षको संख्या सात बनाएको छ ।
सचिवको संख्या पनि ५ बाट बढाएर ७ पुर्याइएको छ भने स्थायी आमन्त्रित सदस्यका रुपमा पाँच जनालाई मनोयन गर्ने व्यवस्था गरिएको छ । यो विधान जिल्ला प्रशासन कार्यालयबाट स्वीकृत भएपछि पूर्ण रुपमा कार्यान्वयनमा आउने बताइएको छ ।
इप्पानका निर्वतमान अध्यक्ष गणेश कार्कीले संस्थालाई बढीभन्दा बढी समावेशी र लोकतान्त्रिक अभ्यास गर्ने थलोका रुपमा विकास गर्नेगरी विधान संशोधन गरिएको बताए ।
पारित विधानअनुसार, इप्पानको अध्यक्ष र वरिष्ठ उपाध्यक्ष हुन कुनै राजनीतिक दलमा आबद्ध नभएको र कुनै समय भएमा त्यागेको प्रमाण पेस गर्नुपर्ने व्यवस्था गरिएको छ ।
प्रतिक्रिया