सर्वोच्च अदालतले सम्पत्ति छानबिन आयोग गठनविरुद्धको रिटमा अग्राधिकार दिँदै कारण देखाउ आदेश जारी गरेको छ ।
अधिवक्ता डा. प्रेमराज सिलवालले दायर गरेको रिटमा न्यायाधीश बालकृष्ण ढकालको इजलासले प्रत्यर्थी प्रधानमन्त्री तथा मन्त्रिपरिषद्को कार्यालय, सम्पत्ति छानबिन आयोग र आयोगको अध्यक्षसमेतको नाममा कारण देखाउ आदेश जारी गरेको हो ।
रिटमा निवेदक सिलवालले आयोग गठनले संवैधानिक सर्वोच्चता र विधिको शासनको मर्म र भावना प्रतिकूल अख्तियार दुरुपयोग अनुसन्धान आयोगको संवैधानिक अधिकार हनन भएको दाबी गर्दै रिटदायर गरेका थिए ।
सरकारले बैशाख २ मा सर्वोच्चका पूर्वन्यायाधीश राजेन्द्रकुमार भण्डारीको अध्यक्षतामा पूर्वन्यायाधीश चण्डीराज ढकाल, पुरुषोत्तम पराजुली, पूर्वप्रहरी नायब महानिरीक्षक गणेश केसी र चार्टर्ड एकाउन्टेन्ट प्रकाश लम्साल रहेको सम्पत्ति छानबिन आयोग गठन गरेको थियो ।
प्रतिक्रिया